Deskripzioa
Ospakizun oso berezi batek Arriaga Antzokira eramango du, berriz, Gontzal Mendibil.
Kontzertu honetan, abeslari arratiarrak 50 urteko ibilbidean sortutako abestiak entzuteko aukera izango da, dagoeneko herri-ondarearen barruan dauden abestiak: Bagare, Laster, Kapitalismoak, Herria maitatzeko, Ez bedi galdu euskera, Memorian, Merezi ote, Ama Gorbeia... eta berriago beste batzuk. Gainera, gogoratu behar da, mende erdi honetan hainbat musikal sortu eta ekoitzi dituela Gontzal Mendibilek: Iparragirre, Olentzaro, Gandiaga, Arrupe, Gau Magikoa, Hazia...
Gorbeiako haizeak musika onez jantzitako abestiak eramango ditu Bilbora, Easo Abesbatzaren eta musikari handien parte-hartzearekin.
Fitxa artistikoa:
- Ahotsa eta gitarra: Gontzal Mendibil
- Abesbatza: Easo Abesbatza
- Zuzendaria: Gorka Miranda
- Ahotsak: Marifé Nogales, Ainhoa Tabuyo
- Pianoa: Jose Luis Canal
- Biolina: Marina Barredo
- Gitarra eta buzukia: Angel Unzu
- Gitarra eta mandolina: Alberto Rodríguez
- Akordeoia: Iñaki Diéguez
- Baxua: Rober Caballero
- Bateria: Blas Fernández